Ўзбекистон «Боку – Тбилиси – Карс» темирйўлидан фойдаланишга қизиқиш билдиряпти

Шушада Озарбойжон ва Ўзбекистон ўртасида ҳукуматлараро комиссиянинг мажлиси бўлиб ўтди.

Фото: Транспорт вазирлиги

Шуша шаҳрида Озарбойжон ва Ўзбекистон ўртасидаги ҳамкорлик бўйича ҳукуматлараро қўшма комиссиянинг 12-йиғилиши бўлиб ўтди. Бу ҳақда Ўзбекистон Транспорт вазирлиги хабар бермоқда.

Комиссия икки мамлакат ўртасида халқаро транспорт йўлакларини ривожлантириш ва Ўзбекистон ҳамда Озарбойжон ўртасида транзит ташувини жадаллаштириш учун қулай шарт-шароитлар яратиш бўйича ижобий ҳамкорликни қайд этди.

Ўзбекистон томони Ўзбекистон ва Озарбойжон ўртасида юк ташиш ҳажмини, шу жумладан транзитни салоҳиятидан унумли фойдаланиш мақсадида «Боку – Тбилиси – Карс» темирйўлидан фаол фойдаланишга қизиқиш билдирди.