Қорақалпоғистон Республикасининг Кегейли тумани ҳокими ўзгарди. Бу ҳақда Давлат хизматини ривожлантириш агентлиги хабар бермоқда.
Фото:t.me/kegeylirkuzofficial
Маълум қилинишича, Айбек Кудабаевич Камалов Кегейли тумани ҳокими сифатида иш бошлади.
Тайинловга қадар А.Камалов президент ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил девони Қорақалпоғистон Республикаси шуъбаси бош инспектори лавозимида фаолият юритган.
Маълумот учун, Кегейли туманини шу вақтга қадар Даулетбай Утемуратов бошқариб келаётганди. У 2020 йилнинг декабр ойи ўрталарида туман ҳокими лавозимига тайинланган.
