Президент Шавкат Мирзиёев, кўплаб шароитлар яратиб берилганига қарамасдан, камбағаллик даражаси юқорилигича қолаётган туманларни санаб ўтди.
Бундай ҳолат – Бекобод, Бўка, Қўшкўпир, Шаҳрихон, Қонликўл, Тахтакўпир, Чимбой, Мирзаобод, Боғот, Улуғнор, Хўжайли ва Шуманай туманларида кузатилмоқда.
Тадбиркорлик соҳасида аҳоли бандлигини таъминлаш бўйича Мирзачўл, Дўстлик, Тўрақўрғон туманлари ва Наманган шаҳрида ишлар суст ташкил этилган.
Шу муносабат билан Бекобод, Бўка, Қўшкўпир, Шаҳрихон, Қонликўл, Тахтакўпир, Чимбой, Мирзаобод, Боғот, Улуғнор, Хўжайли, Шуманай, Мирзачўл, Дўстлик, Тўрақўрғон туманлари ва Наманган шаҳар ҳокимларининг биринчи ўринбосарлари лавозимидан озод этилди.
Ишдан олинган амалдорлар:
- Наманган шаҳар ҳокими биринчи ўринбосари Рустам Исоқов;
- Тўрақўрғон тумани ҳокими молия-иқтисодиёт ва камбағалликни қисқартириш масалалари бўйича биринчи ўринбосари Элёржон Исматуллаев;
- Мирзачўл тумани ҳокими молия-иқтисодиёт ва камбағалликни қисқартириш масалалари бўйича биринчи ўринбосари Жаҳонгир Лапасов;
- Шуманай тумани ҳокими биринчи ўринбосари Аскарбай Калжанов;
- Хўжайли тумани ҳокими иқтисодиёт ва камбағалликни қисқартириш масалалари бўйича биринчи ўринбосари Куатбек Кудайбергенов;
- Боғот тумани ҳокими биринчи ўринбосари — иқтисодий тараққиёт ва камбағалликни қисқартириш бўлими бошлиғи Қаҳрамон Ражабов;
- Чимбой тумани ҳокими иқтисодиёт ва тадбиркорлик масалалари бўйича биринчи ўринбосари Азамат Молдахметов;
- Тахтакўпир тумани ҳокими молия-иқтисодиёт ва камбағалликни қисқартириш масалалари бўйича биринчи ўринбосари Даулетбай Жанабаев;
- Қонликўл тумани ҳокими молия-иқтисодиёт ва камбағалликни қисқартириш масалалари бўйича биринчи ўринбосари Фарҳод Холмуратов;
- Шаҳрихон тумани ҳокими молия-иқтисодиёт ва камбағалликни қисқартириш масалалари бўйича биринчи ўринбосари Раҳматилло Раззақов;
- Қўшкўпир тумани ҳокими молия-иқтисодиёт ва камбағалликни қисқартириш масалалари бўйича биринчи ўринбосари Санжарбек Ўразметов;
- Бўка тумани ҳокими молия-иқтисодиёт ва камбағалликни қисқартириш масалалари бўйича биринчи ўринбосари Шерали Ярбеков;
- Бекобод тумани ҳокими молия-иқтисод ва камбағалликни қисқартириш масалалари бўйича биринчи ўринбосари Сирожиддин Бекназаров;
- Улуғнор тумани ҳокими молия иқтисодиёт ва камбағалликни қисқартириш масалалари бўйича биринчи ўринбосари Ҳусанбой Раҳимов.
