Ўзбекистон ва Россия ўзаро алоқаларни янада чуқурлаштириш масаласини муҳокама қилди

Ўзбекистон ташқи ишлар вазирининг ўринбосари Бобур Усмонов Россия элчиси Олег Малгинов билан учрашув ўтказди.

Фото: Dunyo

ТИВ маълумотига кўра, мулоқотда икки томонлама ҳамкорликнинг бугунги даражаси, Ўзбекистон-Россия ўртасидаги сиёсий, савдо-иқтисодий, инвестициявий ва маданий-гуманитар алоқаларни кенгайтириш имкониятларига баҳо берилди.

Олий ва юқори даражадаги учрашувларда эришилган келишувларни амалга ошириш чора-тадбирлари, ўзаро манфаатли ҳамкорликни янада чуқурлаштириш бўйича ҳамкорлик механизмлари муҳокама қилинди.

Бўлажак қўшма тадбирлар жадвали юзасидан фикр алмашилди.