Тошкентда Кичик ҳалқа йўли кўчасининг бир қисми вақтинча ёпилади

Кичик ҳалқа йўли кўчасининг бир қисми (йўлнинг бир томони) беш кунга ёпилади.

Тошкент шаҳрида ёғингарчилик вақтида юзага келиши мумкин бўлган сув тошиши ҳолатларининг олдини олиш мақсадида айни кунларда коллектор-дренаж тизими қувурларини янгилаш ишлари олиб борилмоқда.

30 августдан 4 сентябрга қадар Кичик ҳалқа йўли кўчасининг Бешқайрағоч кўчаси билан кесишмаси пастки томонидан Истироҳат кўчаси билан кесишмасигача бўлган оралиғида жойлашган коллектор қувурларини таъмирлаш ишлари олиб борилади.

Пойтахт ҳокимлиги хабарига кўра, шу муносабат билан Кичик ҳалқа йўли кўчасининг бир қисми (йўлнинг бир томони) беш кунга ёпилади.

Ҳокимлик ҳайдовчилардан ноқулайликлар учун узр сўраб, айланма йўллардан фойдаланишни тавсия этган.