Киев энг йирик қурол компанияларидан бири билан шартнома имзолади

Украина ва дунёдаги энг йирик мудофаа корхоналаридан бири – Британиянинг BAE Systems компанияси қуролларни биргаликда ишлаб чиқариш бўйича шартнома имзолади. Украина президенти Володимир Зеленский 31 август, пайшанба куни Киевда BAE раҳбарияти билан учрашув чоғида Украина ўзини ҳарбий ҳаракатлардан ҳимоя қилиб, ҳозирданоқ BAE қуролларининг бир қисмини фронтда қўллаётганини таъкидлади. Мисол тариқасида у L119 ва М777 артиллерия қуролларини, шунингдек, CV90 бронетранспортёрини келтирди.

Украина ҳукумати мамлакатда L119’ни биргаликда ишлаб чиқаришни йўлга қўйишни режалаштираётганини эълон қилди. Шу муносабат билан Киевда BAE раҳбарияти билан бўлиб ўтган жорий учрашув чоғида ушбу турдаги қуролларни таъмирлаш ва ишлаб чиқариш бўйича ҳамкорлик тўғрисида ҳадли битим имзоланди.

Украина Саноатнинг стратегик тармоқлари масалалари бўйича вазирлиги хабар беришича, BAE Systems аллақачон Украинада ўз ваколатхонасини очган ва Украина компаниялари билан қўшма ишлаб чиқаришни йўлга қўяди. 

Украинанинг қурол ишлаб чиқариш соҳасидаги режалари 

Ўтган йили 25 миллиард доллар айланмаси билан BAE Systems дунёдаги еттинчи йирик мудофаа компанияси ҳисобланади. Украина ҳарбий ҳаракатларга қарамай қурол ишлаб чиқаришни оширди ва жаҳон бозорида асосий қурол ишлаб чиқарувчига айланишга умид қилмоқда. 

Май ойида Германиянинг Rheinmetall мудофаа компанияси Украинанинг «Укроборонпром» мудофаа концерни билан қўшма корхона ташкил этиш бўйича келишув тузган эди. Аввалига Украинадаги урушда қатнашган немис танкларини таъмирлаш ва техник хизмат кўрсатишни ташкил этиш режалаштирилган. Келажакда иккала компания биргаликда танклар ишлаб чиқаришни мўлжалланмоқда.