Истанбулдаги кучли ёмғир оқибатида ўзбекистонликлар жабрланмади — Бош консулхона

Шаҳарда юз берган сув тошқини оқибатида ҳалок бўлганлар ва жабрланганлар бор.

Фото: Getty images

5 сентябр куни Туркиянинг Истанбул шаҳрида кучли ёмғир сув тошқинларига сабаб бўлди. Маҳаллий матбуотнинг ёзишича, табиий офат оқибатида ҳалок бўлганлар ва жабрланганлар бор.

Ўзбекистоннинг Истанбулдаги Бош консулхонаси хабарига кўра, ҳалок бўлганлар, жабрланганлар орасида Ўзбекистон фуқаролари йўқ.

«Дипломатлар вазиятни назоратга олган. Истанбул ҳокимлиги ва мутасадди ташкилотлар билан ҳамкорликда ўрганишлар олиб борилди. Ўрганишлар натижасида вафот этганлар орасида Ўзбекистон фуқаролари йўқлиги маълум бўлди. Шунингдек, жабрланганлар орасида ватандошларимиз борлиги ҳақида маълумот йўқ», дейилади хабарда.