Финландия собиқ бош вазири фаолиятини шоу-бизнесда давом эттиради

Финландия собиқ бош вазири Санна Марин телевидение, кино, медиа ва кўнгилочар соҳалар учун истеъдодларни излашга ихтисослашган Range Media Partners компанияси билан шартнома имзолади, деб хабар бермоқда Politico. 

Range Media Partners дунё юлдузлари, жумладан Ҳолливуд юлдузлари билан ҳамкорлик қилади. 

Марин аввалроқ Тони Блэр институти билан сиёсий етакчиларга маслаҳат берадиган стратегик маслаҳатчи сифатида ҳамкорлик қилиш ниятини билдирган эди. 

Финландия парламенти 2019 йил декабр ойида Санна Маринни мамлакатнинг янги бош вазири этиб тайинлаш учун овоз берди. 

Ўшанда 34 ёшда бўлган сиёсатчи дунёдаги энг ёш бош вазирга айланди. 

Апрел ойида бўлиб ўтган парламент сайловларидаги мағлубиятдан сўнг у раҳбарлик қилган Социал-демократик партия истеъфога чиқди.