Тошкент вилоятида туман прокурори ёрдамчиси 4 минг доллар пора билан ушланди — манба 

Тошкент вилояти Тошкент туман прокурори ёрдамчиси Ж.С. фуқарони Миллий гвардияга ишга киритиб қўйиш учун ундан 4 000 доллар олган вақтида ушланган. Бу ҳақда Kun.uz манбаси маълум қилди.

Жиноий ишга Жамоат хавфсизлиги университети ходими ҳам аралашгани айтилмоқда. 

Kun.uz ҳолат юзасидан Миллий гвардия ва Бош прокуратура матбуот хизматларига сўров юборди, лекин кун давомида расмийлардан изоҳ олишнинг имкони бўлмади.

Аввалроқ, Тошкент вилоятининг Пискент тумани прокурори ёрдамчиси 1500 доллар пора билан, Оҳангарон шаҳар прокуратураси терговчиси 9 минг доллар пора билан қўлга тушгани хабар қилинган эди.