Ўзбекистонга ҳафта ўртасида нам ҳавонинг янги қисми кириб келиши кутилмоқда

Бугун кундузи Ўзбекистоннинг марказий ва жануби-шарқий ҳудудларида асосан жадаллиги бироз бўлган ёмғирлар ёғади. 

“Ўзгидромет” хабарига кўра, Қорақалпоғистон Республикаси, Хоразм, Бухоро, Навоий вилоятларида ёғингарчилик кутилмайди. Ҳаво ҳарорати +13...+18 даража атрофида, баъзи жойларда +20 даражагача бўлади.

Республиканинг айрим жойларида шамол тезлиги 15-20 м/с гача кучайиши мумкин.

24-25 октябр кунлари Ўзбекистоннинг барча ҳудудлари бўйича ҳаво асосан бироз булутли бўлади, ёғингарчилик кутилмайди. Ҳаво ҳарорати кўтарилади ва ҳафта ўртасига бориб, кундуз кунлари ҳаво +22...+25 даражагача, жанубда +27 даражагача исийди.

26 октябрда республика ҳудудига Волгабўйи ҳудудларидан нам ҳавонинг янги қисми кириб келиши кутилмоқда. Марказий, жанубий ва шарқий ҳудудларда яна ёмғир ёғади, ҳарорат +15...+20 даражагача пасаяди.

27 октябрда Ўзбекистон бўйича ёғингарчилик кутилмайди, ҳарорат +17...+22 даража бўлади.

Ушбу ҳафта давомида ҳарорат кечалари +7...+12 даража атрофида бўлади. Республиканинг айрим жойларига кечаси ва эрталаб туман тушиши мумкин.

Пойтахтда 23 октябрда вақти-вақти билан бироз ёмғир ёғади. Ҳарорат +14...+16 даража бўлади.

24-25 октябр кунлари ҳаво асосан бироз булутли бўлади, ёғингарчилик кутилмайди. Ҳарорат +21...+24 даражагача кўтарилади.

26 октябрда ёмғир ёғади, ҳарорат +16...+18 даража бўлади.