Қўшимча функционаллар
-
Тунги кўриниш
Пентагон раҳбари Киевга эълон қилинмаган ташриф билан келди
АҚШ мудофаа вазири Украинага «Рамштайн» форматидаги янги учрашув арафасида келди ва Киев янада қўллаб-қувватланиши ҳақида маълум қилди.
Фото: Twitter / SecDef
«Мен ҳозиргина Киевга Украина раҳбарлари билан учрашиш учун келдим. Мен муҳим хабарни етказиш учун келганман: Қўшма Штатлар Украинани Россия агрессиясига қарши курашда - ҳозир ҳам, келажакда ҳам қўллаб-қувватлашда давом этади», - деб ёзди АҚШ мудофаа вазири Ллойд Остин 20 ноябр, душанба куни Х ижтимоий тармоғида.
Хабарга унинг Киевдаги вокзалда тушган сурати ҳам илова қилинган. Остиннинг Украинага сафари аввалдан эълон қилинмаган эди.
Пентагон сайтида таъкидланишича, ташриф чоғида Америка мудофаа маҳкамаси раҳбари Украина раҳбарияти билан стратегик шерикликни янада мустаҳкамлаш, жумладан, «Украина қуролли кучларини ҳам қишда зарур бўлган жанговар имкониятлар билан таъминлаш, ҳам ўз мамлакатини келажакдаги Россия таҳдидларидан ҳимоя қилиш масалаларини муҳокама қилади».
Шу ҳафта охирида Остин онлайн режимда ўтказиладиган Украина мудофааси бўйича «Рамштайн» форматидаги алоқа гуруҳининг 17-йиғилишини ўтказади. Учрашувда 50 га яқин давлат вакиллари иштирок этиши кутилмоқда.
Мавзуга оид
22:30 / 15.11.2024
Трамп жамоаси билан Украинадаги уруш тезроқ тугайди — Зеленский
19:41 / 15.11.2024
Россия колоннаси Купянскка ёриб кирган, аммо Украина уни яксон қилганини айтмоқда. Нималар маълум?
10:11 / 15.11.2024
Германия Украинада ҳалок бўлган 10 фуқароси ҳақида маълумотга эга
09:31 / 15.11.2024