Ўзбекистон октябр ойида Хитойга газ экспортини бироз оширди

Бироқ йил бошидан буён кўк ёнилғи етказиб беришдан тушган даромад икки баробардан кўпроққа камайган.

Фото: Shutterstock

Октябр ойида Ўзбекистондан Хитойга газ етказиб бериш ҳажми бироз ошди, дея хабар беради Spot Хитой божхона бош бошқармасига таяниб.

Ўтган ой давомида кўк ёқилғи экспортидан тушум 42,24 млн долларни ташкил этиб, кўрсаткич сентябр ойига нисбатан 1,5 фоизга юқори бўлган. Бироқ, бу ёз ойлари даражасидан сезиларли даражада пастлигича қолмоқда ва қўшни Қозоғистон экспорти Ўзбекистондан уч баравар кўпроқ ошиб кетди — 131,3 млн доллар.

Хитойга газ етказиб бериш бўйича етакчиликни Туркманистон сақлаб қолмоқда ҳамда октябр ойида 666,1 млн долларлик газ экспорт қилган. Ундан кейинги ўринда 386 млн доллар билан Россия турибди. Шунингдек Мянма ҳам 113,3 млн доллар билан кучли бешликка кирган.

Йил бошидан буён Хитой Ўзбекистондан бор-йўғи саккиз ой давомида газ қабул қилган ва бу жами 454,4 млн долларни ташкил этган. Бу кўрсаткич бўйича мамлакат охирги ўринни эгаллади.