Қўшимча функционаллар
-
Тунги кўриниш
Тошкентда электрон тижорат платформалари орқали пиротехника воситалари сотиб келингани аниқланди
Ушбу иш билан шуғулланган шахсдан 350 млн сўмлик 1490 дона пиротехника воситаси ашёвий далил сифатида олиб қўйилган.
Фото: Божхона қўмитаси
Божхона қўмитасининг Контрабандага қарши курашиш бошқармаси томонидан ДХХ ва Миллий гвардия ходимлари билан ҳамкорликда тезкор тадбир ўтказилган. Жараёнда аввалдан кузатувга олинган шахс 108 дона салютни қабул қилиб, ўзи бошқарувидаги Spark машинасига юклаётган вақтида тўхтатиб қолинган.
Тезкор тадбир пойтахтнинг Юнусобод туманида давом эттирилган: фуқаронинг хонадони кўздан кечирилганида бу ерда ҳам 12 номдаги 1382 дона салют сақланаётганлиги аниқланган. Суриштирувлар давомида маълум бўлишича, қонунбузар шахс пиротехника воситаларини асосан электрон тижорат платформалари орқали мижозларга пуллаб келган.
Мазкур ҳолатда қиймати 350 млн сўмлик жами 1490 дона пиротехника воситалари ашёвий далил сифатида олиб қўйилган. Ҳозирда ҳолат юзасидан божхона текширувлари давом эттирилмоқда.
Маълумот учун, жорий йилнинг ўтган даври мобайнида божхона органлари томонидан аниқланган 85 та ҳолатда қиймати салкам 2,2 млрд сўмлик 1 млн 951 минг дона пиротехника воситасининг ноқонуний олиб кирилиши ва ички ҳудуддаги яширин айланмасига чек қўйилган.
Мавзуга оид
17:02
Тошкентда 4 млн дона пиротехника буюмлари йўқ қилинди
11:39 / 29.08.2024
Пиротехниканинг қонунга хилоф муомаласи учун жавобгарлик кучайтирилди
12:42 / 10.07.2024
Ўзбекистонда пиротехника буюмларининг ноқонуний муомаласи учун жавобгарлик чоралари кучайтирилади
21:58 / 20.05.2024