АҚШ разведкаси: урушда 315 минг россиялик ҳалок бўлди ва жароҳат олди
Россиянинг Украина билан урушдаги йўқотишлари ҳалок бўлган ва жароҳат олган 315 минг кишини ташкил этади, деб хабар қилмоқда Reuters ҳамда CNN АҚШ разведка маълумотларига таяниб.
Россиянинг Украина билан урушдаги йўқотишлари ҳалок бўлган ва жароҳат олган 315 минг кишини ташкил этади. Бу ҳақда Reuters ҳамда CNN 12 декабр, сешанба куни Америка разведка хизматларининг махфий маълумотларига таяниб хабар берди.
Разведка маълумотлари билан таниш бўлган нашр манбаларининг таъкидлашича, Россия қуролли кучларининг шахсий таркиб ва зирҳли техникадаги йўқотишлари «мамлакатнинг ҳарбий модернизациясини 18 йилга орқага сурди».
Россия Авдийивка яқинидаги ҳужум пайтида жиддий йўқотишларга дуч келди
Америка разведкаси маълумотларига кўра, Украинага қарши уруш бошланганда Россия армиясида 3500 та танк бўлган, шундан 2200 таси йўқ қилинган. Бундан ташқари, 13600 та пиёда жанговар машина ва бронетранспортёрдан 4400 таси йўқ қилинган, бу уларнинг 32 фоизини ташкил этади.
Шу куни АҚШ Миллий хавфсизлик кенгаши вакили Эдриенн Уотсон 2023 йил октябр-ноябр ойларида Россия армиясида Авдийивка яқинидаги ҳужум чоғида 13 минг киши ҳалок бўлган ва яралангани, 220 дан ортиқ зирҳли техника йўқотилганини маълум қилди. Россия ва Украина урушдаги йўқотишлари ҳақида расмий маълумот бермаяпти.
Мавзуга оид
21:33 / 25.09.2024
Германия «Шимолий оқим»даги портлаш иши бўйича бир қанча ордер берди
19:43 / 25.09.2024
Россиялик мулозимлар ва The Washington Post таҳлилчилари Кремлнинг ядровий таҳдидлари «энди ҳеч кимни қўрқитмайди» дейишмоқда
17:41 / 25.09.2024
Украинада эркак организмидан олтита гайка калити чиқариб олинди
16:30 / 25.09.2024