Қўшимча функционаллар
-
Тунги кўриниш
«112» тезкор рақами ўз муддатида ишга тушмади
2024 йил 1 январдан Тошкент шаҳрида аҳолининг барча тезкор ва шошилинч хизматларга мурожаатларини оператив ҳал қилиш мақсадида ягона «112» тезкор рақами ҳамда диспетчерлик тизими ишга туширилиши керак эди. Президент иштирокидаги йиғилишда бунинг ижроси учун Бобожонов ва Шерматов масъул этиб белгиланганди. Аммо тезкор рақам ҳозирча «мавжуд бўлмаган рақам» сифатида турибди.
Президент Шавкат Мирзиёев 2023 йилнинг 28 июл куни Фарғона шаҳрида Ички ишлар вазирлигининг кенгайтирилган ҳайъат йиғилишини ўтказиб, тегишли вазирликларга жиноятчиликнинг олдини олишга қаратилган қатор топшириқлар берганди.
Жумладан, президент томонидан Ички ишлар вазирлиги (Пўлат Бобожонов) ва Рақамли технологиялар вазирлиги (Шерзод Шерматов) олдига аҳолининг барча тезкор ва шошилинч хизматларга мурожаатларини оператив ҳал қилиш мақсадида ягона «112» тезкор рақами ва диспетчерлик тизимини ишга тушириш вазифаси қўйилган эди.
Ҳайъат йиғилишида ушбу тизим 2024 йил 1 январдан Тошкент шаҳрида, 1 июлга қадар водий вилоятларида, келаси йил якунига қадар эса барча туман ва шаҳарларда ишга туширилиши шартлиги белгиланган.
Тошкент шаҳри (кейинчалик бошқа ҳудудлар)даги барча қисқа рақамли тезкор навбатчилик - 101, 102, 103, 104, 1050, 1055 хизматлари Ягона вазиятлар марказига жамланади ҳамда умумий «112»-навбатчилик хизмати доирасида фаолияти ташкил этилиши кўзда тутилганди.
Бироқ янги йилнинг 5 куни ўтди ҳамки Тошкент шаҳрида «112» тезкор рақами ҳамда диспетчерлик тизими ишга туширилмади.
Бугунги кун ҳолатига «112» қисқа рақами «мавжуд бўлмаган рақам» сифатида турибди.
Ички ишлар ва Рақамли технологиялар вазирликлари ҳозирча топшириқ ижроси нега кечикаётгани, тизим қачон ишга туширилиши бўйича расмий изоҳ бермаган.
Тавсия этамиз
Апрелда қанақа об-ҳаво кутиляпти?
Ўзбекистон | 12:09 / 28.03.2025
АҚШда Исроилни танқид қилган турк талаба қўлга олинди
Жаҳон | 22:36 / 27.03.2025
Карманада мактаб ўқувчиси олийгоҳга кириш учун муддатидан аввал максимал баллни тўплади
Жамият | 20:18 / 27.03.2025
“Контрактга кирсанг ўқита олмаймиз дейишган” – oрзулар йўлида стереотипларни енгиб ўтган навоийлик қиз ҳикояси
Жамият | 20:50 / 25.03.2025
Сўнгги янгиликлар
-
Трамп Эронга «мисли кўрилмаган бомбардимонлар» билан таҳдид қилди
Жаҳон | 08:20
-
Уйсиз эркак жинларни ҳайдайман деб, машинани пачоқ қилди
Жаҳон | 08:18
-
Трамп Финландия президентидан Путинга ишонса бўладими, деб сўраган
Жаҳон | 08:16
-
Украина Қрим кўпригига ATACMS ракеталари билан зарба берган — NYT
Жаҳон | 08:13
Мавзуга оид
22:17 / 24.03.2025
112 ягона диспетчерлик хизмати барча ҳудудларда ишга тушган — Рақамли технологиялар вазирлиги
18:20 / 03.03.2025
Пўлат Бобожонов янги лавозимга тайинланди
12:30 / 03.03.2025
Пўлат Бобожонов ИИВ раҳбарлигидан кетди
14:40 / 24.10.2024
“Кўпроқ инглиз тилида контент қилинг” – Шерзод Шерматов ўзбек ютуберларига кўпроқ даромад олиш учун тавсия берди
