Ўзбекистонда туғуруқ ўринлар сони 4,3 мингтага кўпайтирилади

Қайд этилишича, самарали антенатал парваришда “Аёллар маслаҳатхонаси” ва “Тиббиёт бригадаси” аъзоларининг ўзаро уйғунликдаги фаолиятини таъминлаш кўзда тутилмоқда.

Демографик ўсишнинг ижобий бошқарувини таъминлаш тизими жорий этилади. Бунда:

• ҳомиладорликка монеликни аниқлаш бўйича талабларни ва тиббий ҳисобот шаклларини қайта кўриб чиқиш;
• қариндошлар орасида, эрта (15-16 ёш) ва кеч (35 ёшдан кейин) ҳамда тез-тез ва кўп туғуруқлар олдини олиш дастурини ишлаб чиқиш мўлжалланган.

Туғуруқ ўринлар сони босқичма-босқич яна 4,3 мингтага кўпайтирилади.

Туғуруқ муассасалари мутахассисларининг “Бехатар оналик” клиник протоколлари бўйича билим ва амалий кўникмалари тизимли оширилади.