Қўшимча функционаллар
-
Тунги кўриниш
Ўзбекистонда давлат мулкини ижарага бериш тартибига риоя этмаганлик учун маъмурий жавобгарлик белгиланмоқда
Маъмурий жавобгарлик тўғрисидаги кодексга киритилаётган қўшимча моддага кўра, давлат мулкини белгиланган тартибда ижара шартномаси тузмасдан ижарага берган, ижарага олувчига нисбатан асоссиз равишда турли тўсқинлик қилган мансабдор шахслар жаримага тортилади. Агар ушбу ҳуқуқбузарлик бир йил ичида қайта содир этилса жарима миқдори оширилади.
Фото: Сенат ахборот хизмати
Сенаторлар “Давлат мулкини ижарага бериш соҳасидаги қонунчиликни бузганлик учун жавобгарлик кучайтирилиши муносабати билан Ўзбекистон Республикасининг Маъмурий жавобгарлик тўғрисидаги кодексига қўшимчалар киритиш ҳақида”ги қонунни муҳокама қилишди.
Қайд этилишича, бугунги кунда амалда давлат мулкидан самарали фойдаланилмаслик ва уни ижарага бериш тартибини бузиш билан боғлиқ қонунбузарлик ҳолатлари кўпайиб бормоқда. Бу эса, ўз навбатида давлат мулкини ижарага бериш соҳасидаги қонунчилик бузилишларининг олдини олишга қаратилган чораларни такомиллаштиришни тақозо этяпти.
Шу боис сенаторлар томонидан муҳокама қилинган қонун билан давлат мулкини ижарага бериш соҳасидаги қонунчиликни бузганлик учун маъмурий жавобгарлик белгиланмоқда.
Хусусан, Маъмурий жавобгарлик тўғрисидаги кодексга қўшимча модда киритиляпти. Унга кўра, давлат мулкини белгиланган тартибда ижара шартномаси тузмасдан ижарага бериш, ижарага олувчига ижарага берилган давлат мулкини қабул қилиб олиши, унинг ҳудудига кириши ва фойдаланишига асоссиз равишда тўсқинлик қилиш ёки ижара шартномасида ижарага берилган мулкнинг параметрлари ва сонини камайтириб кўрсатган ҳолда ижарага берганлик учун мансабдор шахсларга БҲМнинг 5 бараваридан 10 бараваригача миқдорда жарима солинишига асос бўлади.
Ушбу ҳуқуқбузарлик бир йил ичида қайта содир этилса, БҲМнинг 10 бараваридан 15 бараваригача миқдорда жарима солишга сабаб бўлиши белгиланмоқда.
Қонун сенаторлар томонидан маъқулланди.
Тавсия этамиз
“Ҳайдовчиларнинг манфаати энг охирги ўринда бўлиши керак” – тезлик “чегирмаси”нинг оширилиши эътирозга сабаб бўлмоқда
Ўзбекистон | 10:45
Путин Россия Одессага даъво қилмаслиги шартини айтган – «Коммерсант»
Жаҳон | 22:26 / 19.03.2025
Қозоғистонда амалдорлар қамоқхоналарга экскурсияга олиб борилмоқда
Жаҳон | 18:16 / 19.03.2025
Трамп: «Украинага босим ўтказишга мажбур бўлгандик»
Жаҳон | 20:53 / 18.03.2025
Сўнгги янгиликлар
-
Туркияда намойишлар авж олмоқда, юзлаб одамлар ҳибсга олинган
Жаҳон | 18:50
-
Суриянинг янги расмийлари Россиядан Башар Асадни топширишни сўради
Жаҳон | 18:34
-
ChatGPT норвегиялик эркак икки фарзандини ўлдирганини тўқиди
Жаҳон | 18:19
-
Чиптаси бор юзлаб мухлислар ўйинга кира олмади. Муаммони қандай ечиш мумкин?
Спорт | 18:14
Мавзуга оид
21:37 / 26.02.2025
Қонунлар нормаларининг аниқ ва бир хил қўлланиши таъминланади
17:05 / 20.02.2025
Қашқадарёда ўқувчи ўқитувчига ҳамла қилди
16:36 / 17.01.2025
Ёввойи ҳайвонларни ноқонуний сақлаганлик учун жавобгарлик белгиланди
16:34 / 14.01.2025
Автобус учун ажратилган йўлакда ҳаракатланганлик учун жавобгарлик белгиланади
