Хитойнинг Loong Air авиакомпанияси июн ойининг иккинчи ярмида Сиан шаҳридан Самарқандга янги ҳаво йўналишини очишни режалаштирмоқда. Бу ҳақда Uzbekistan Airports хабар берди.
Хитой ва Ўзбекистон ўртасидаги ҳаво қатновларини кўпайтириш мақсади Uzbekistan Airports раҳбарияти ва авиакомпания вакиллари ўртасидаги учрашувда маълум қилинган. Шунингдек, музокаралар чоғида икки давлат ўртасида юк ташишни кенгайтириш масалалари муҳокама этилган.
Ҳозир Loong Air авиакомпанияси ҳафтасига уч мартадан Ченгду - Тошкент ва Сиан - Тошкент йўналишида мунтазам қатновларни амалга оширмоқда.
Loong Air - бош қароргоҳи Ханчжоуда жойлашган Хитой авиакомпанияси бўлиб, йўловчи ва юк ташиш хизматларини кўрсатади.
