ASUS ўзининг Expertbook серияли ноутбукларининг имкониятлари билан таништирди, қурилмадаги технологиялар ва функционал фойдаланувчи учун унумдорликни янги даражага кўтариши мумкинлиги ҳақида гапириб берди. ASUS`нинг Expertbook туркуми жуда кўп турли хил ноутбук моделларини ўз ичига олади, улар орасида аниқ вазифалар учун энг мос компьютерни топиш осон.
Бироқ, биринчи навбатда, бизнес учун ASUS`ни қуйидаги сабабларга кўра танлашади:
Маҳсулотларнинг кенг ассортименти: ExpertBook туркуми B1 (Essential асосий моделлари) дан B9 (Premium флагман ноутбуклари) гача бўлган кенг турдаги моделларни ўз ичига олади.
Профессионал жамоа: ҳамма нарса самарали бошқарилади, жумладан, тезкор етказиб бериш, корпоратив бизнес учун модель рақамини банд қилиш ва ишонч телефони, маҳаллий муҳандислар ва махсус бизнес дастурлари орқали мижозлар сўровларига тезкор жавоб бериш.
Маъмурият: ExpertBook серияли ноутбуклари компьютерлар «паркини» тўлиқ бошқариш учун – Diagnostic Tool, Cloud Recovery, Control Center, Business Manager дастурий таъминотлари ва бошқа хусусий ASUS дастурлари билан жиҳозланган.
Махсус конфигурациялар: Мижозлар ўз эҳтиёжлари ва бюджетидан келиб чиқиб, ноутбуклар ва компонентларнинг мослаштирилган конфигурациясига буюртма беришлари мумкин.
Хизмат кўрсатиш марказлари тармоғи: ASUS бутун дунё бўйлаб ваколатли хизмат кўрсатиш марказларининг кенг тармоғига эга бўлиб, уларда мижозлар ўз қурилмалари учун турли ёрдам ва хизматларни олишлари мумкин.
