Мирзо Улуғбек туманининг бир қисмида электр таъминоти вақтинча ўчирилади

Тошкент шаҳрининг Мирзо Улуғбек туманидаги саккизта маҳалла пайшанба куни соат 9:00 дан 17:00 гача электр таъминотисиз қолади.

Фото: Тошкент шаҳар электр тармоқлари

Истеъмолчиларга сифатли ва барқарор электр энергияси етказиб берилишини таъминлаш ва электр тармоқларидаги авариявий ҳолатлар олдини олиш ҳамда мавжуд электр қурилмаларида таъмирлаш ишларини олиб бориш мақсадида бугун, 20 июн куни қатор манзилларда электр таъминоти вақтинча ўчирилади.

Мирзо Улуғбек туманида «Алишеробод»,«Ижодкор», «Геофизика», «Геологлар», «Сарбон», «Темурийлар», «Чингелди» ҳамда «Иқтидор» МФЙнинг айрим ҳудудларида соат 09:00 дан 17:00 гача электр энергияси бўлмайди.

Ўз навбатида, юқоридаги ҳудудларда таъмирлаш ишлари белгиланган вақтдан аввалроқ якунланиши мумкин.