Тошкент вилоятида 10 ёшли болани поезд уриб юборди 

Тошкент вилояти Зангиота туманидаги темирйўл ҳудудида 10 ёшли болани поезд уриб юборган.

“Миллар” информацион дастурида маълум қилинишича, ҳодиса 2024 йил 20 июн куни содир бўлган.

Шу куни соат 09:30 ларда болани Зангиота темирйўл кесишмасида Бекобод—Тошкент йўналишида ҳаракатланган электропоезд уриб юборган.

Маълумотларга кўра, бола велосипед ёрдамида поезд йўлини кесиб ўтмоқчи бўлган. У олган тан жароҳатлари оқибатида ҳодиса жойида вафот этган.

Қайд этилишича, ҳозирда ҳолат юзасидан тергов ҳаракатлари олиб борилмоқда.

Аввалроқ, Тошкент вилоятида 31 ёшли эркак, Андижонда 8 ёшли қизни, Фарғонада трактор бошқариб кетаётган 12 ёшли болани поезд уриб кетганди. Шунингдек, Сурхондарёда поезд Gentra’ни уриб юборган ва оқибатда 5 киши ҳалок бўлганди.