«Реал» «Аталанта»ни мағлуб этиб, УЕФА суперкубогини энг кўп ютган клубга айланди

УЕФА суперкубогида ЕЧЛ ғолиби «Реал» Европа Лигаси чемпиони «Аталанта» билан тўқнаш келиб, иккинчи бўлимдаги голлар эвазига ишончли ғалабага эришди. 

59-дақиқада Винисиуснинг узатмасидан сўнг Валверде ҳисобни очган бўлса, 68-дақиқада Беллингҳэмнинг ассистидан кейин Мбаппе Мадрид клубидаги илк ўйинида дебют тўпини киритди. 

Шу тариқа «Реал» 6-бор суперкубокни ютиб, «Барселона» ва «Милан»ни ортда қолдирган ҳолда мутлақ рекордчига айланди.

УЕФА суперкубоги

Реал — Аталанта 2:0

14 август. Варшава, «ПГЕ»

Голлар: Валверде (59), Мбаппе (68).

Реал – Куртуа, Менди, Рюдигер, Милитао, Карвахал (Васкес, 88), Беллингҳэм (Себаллос, 88), Чуамени, Валверде, Винисиус (Гулер, 88), Мбаппе (Диас, 83), Родриго (Модрич, 76).

Аталанта – Муссо, Колашинац (Баккер, 71), Ҳин (Палестра, 90), Жимсити, Пашалич (Манцони, 90), Ружери, Заппакоста (Годфри, 63), Эдерсон, де Рон, де Кетеларе (Ретеги, 63), Лукман.

Огоҳлантиришлар: Эдерсон (9), Беллинҳэм (35), Винисиус (42), Жимсити (64).