2024 йил учун янгиланган ASUS ZenBook S 16 ультрабуки иш ва ижод учун кўплаб афзалликларни тақдим этади. Масалан, ҳар қандай контентни яратиш ва кўриш учун рангларни аниқ акс эттирувчи юпқа рамкалар билан жиҳозланган катта OLED экран, harman/kardon юқори сифатли аудиотизими ва овозни яхшилаш учун ўрнатилган ёрдамчилар, энг юпқа ҳарбий тоифадаги ҳимояланган корпус, юқори даражадаги аккумулятор сиғими ва улаш учун керакли портларга эга.
Ультрабук шунингдек, фойдаланувчига кундалик вазифаларни бажаришда ёрдам берадиган самарали совитиш тизими ва ўрнатилган СИ воситаларига эга сўнгги AMD Ryzen АИ процессорига эга. Янгиланган ноутбук ўзининг нозик ва енгил премиум ультрабуклари билан машҳур бўлган Zenbook S линиясининг бир қисмидир. Ушбу машиналар кундалик бизнес вазифалари ва фаол мобил фойдаланиш пайтида ажойиб ҳамроҳ бўла олади.
Янги давр – янги қоидалар
Узоқ кутилган вақт келди, телефонлар, ноутбуклар ва компьютерлар энди ўрнатилган сунъий интеллектга эга ва бу энди янгилик эмас. СИ фаолият туридан қатъи назар, бутун сайёрадаги кўплаб одамлар ҳаётининг ажралмас қисмига айланди. ASUS замон билан ҳамнафас бўлиб, барча сўнгги маҳсулотларини Copilot+ ёрдамчисига асосланган ўрнатилган СИ билан жиҳозламоқда.
Янгиланган ASUS ZenBook S 16 ҳам бундан мустасно эмас – у сунъий интеллектдан фойдаланган ҳолда қурилма билан ўзаро алоқани соддалаштирадиган энг муҳим ёрдамчиларга эга. Сунъий интеллект алгоритмлари – ортиб бораётган Windows иловалари ва учинчи томон дастурларида ишлашни тезлаштиради ва осонлаштиради, бу эса фойдаланувчининг вақтини ва кучини тежайди.
ZenBook S 16`нинг сунъий интеллектга асосланган бой функциялари (кейинчалик Windows OS янгиланишлари билан бирга тақдим этилади) таркибига Recall номли барча контент ва фойдаланиш тарихи бўйича интеллектуал қидируви, кўп тилли субтитрларга синхрон таржима, чизмачилик бўйича ёрдамчи ва ўйинлардаги ўта юқори аниқлик киради. Шунингдек, видеоқўнғироқлар пайтида тасвирни яхшилайдиган, суҳбатдошнинг нигоҳини ушлайдиган ва тасвирдан шовқинни олиб ташлайдиган функциялар ҳам мавжуд.
