Қўшимча функционаллар
-
Тунги кўриниш
Тошкентда рўйхатдан ўтган яна бир компания АҚШ санкциясига учради
2023 йил сентябрда Тошкент шаҳрида рўйхатдан ўтган Intheme Lab МЧЖ АҚШ санкциялари рўйхатига киритилди. Ушбу компания ўтган йилнинг охирида IT Park резиденти мақомини ҳам олган.
АҚШ Молия вазирлиги Россия билан алоқадор бўлган 400 га яқин шахс ва ташкилотларга қарши санкциялар киритгани хабар қилинганди. Санкция қўйилган компаниялар ва жисмоний шахслар Москвага санкцияларни четлаб ўтишда ва уни Украинага қарши урушда фойдаланилган товарлар ва хизматлар билан таъминлашда ёрдам бергани келтириб ўтилган.
Санкцияга учраган компаниялар қаторидан Тошкент шаҳрида рўйхатдан ўтган Intheme Lab ҳам жой олган.
Корхона ва ташкилотларнинг ягона давлат реестри маълумотларига кўра, Intheme Lab МЧЖ 2023 йилнинг 12 сентябрида Тошкент шаҳрида ташкил этилган. Компания расмий равишда веб-порталлар ишлаб чиқиш билан шуғулланади ва ўша йилнинг 29 декабридан бошлаб IT Park резиденти мақомини олган.
Компаниянинг устав капитали 10 млн сўмни ташкил этди. 90 фоиз улуши Россиянинг Intem Lab компаниясига, қолган 10 фоиз улуши эса асосий компания бош директори Михаил Игошинга тегишли.
Аввалроқ, Ўзбекистонда рўйхатдан ўтган Mvizion компанияси ҳам АҚШ санкциялари рўйхатига киритилгани хабар қилинганди.
Мавзуга оид
11:52
АҚШда суд сунъий интеллект томонидан яратилган асар муаллифлик ҳуқуқи билан ҳимояланмаслигини тасдиқлади
08:09
АҚШда аэропортда ўз итини ўлдирган аёл қўлга олинди
22:17 / 21.03.2025
Федерал тергов бюроси ички терроризмга қарши кураш бўлимини қисқартирмоқда
21:41 / 21.03.2025