Ўқишга қабул қилинганлар биринчи йўналишда фақат катта миқдордаги “супер контракт” билан ўқиши мумкин. Бунда уларнинг қабул чизиғига неча балл етмай қолганининг аҳамияти йўқ. Тартиб қабул комиссияси томонидан тасдиқланган. Бундан олийгоҳларнинг ҳам, талабаларнинг ҳам хабари бўлмаган.

Қўшимча контракт ва супер контракт фарқи борми?

Тушунарли бўлиши учун мақолада шартли равишда қабул чизиғига 4,05 балл етмай қолганлар тўлайдигани қўшимча контракт дейилади. Тўплаган балли 56,7дан юқориларни эса супер ёки табақалаштирилган контракт деймиз. Хўш, буларнинг фарқи қандай?

Қўшимча контрактчилар тўплаган баллари тасдиқланган тўлов-контракт бўйича қабул квоталари чегарасига:

  • 1,05 баллгача етмаса — 1,5 баробар;
  • 1,06 баллдан 2,05 баллгача етмаса — 2,0 баробар;
  • 2,06 баллдан 3,05 баллгача етмаса — 2,5 баробар;
  • 3,06 баллдан 4,05 баллгача етмаса — 3,0 баробар базавий контрактга қўшимча пул тўлаб ўқийди.

Балли 56,7 дан юқори бўлган супер контрактчилар эса базавий тўлов контракт миқдоридан 6-19 баробаригача кўп контракт тўлаб ўқиши мумкин. Буни таълим ташкилотларига қабул қилиш бўйича давлат комиссияси янги ўқув йили учун тасдиқлади.

Қўшимча контрактда кимлар ўқиши мумкин?

Ўқишга топшириб, киролмаганлар. Яъни балли қабул чизиғига 4,05 баллгача етмаган абитуриент ўзи танлаган 5 йўналишнинг бирида қўшимча контракт тўлаб ўқиши мумкин. Бу имконият ўқишга кирганларга берилмайди. Шуни эслатиш керак, ўтган йили ўқишга кирган талаба ҳам биринчи йўналишида қўшимча контрактда ўқиши мумкин эди. Нега тартиб 1 йил ичида ўзгарди деган саволни вазирлик матбуот хизмати қуйидаги изоҳлади:

“Кирган университетида ўқишни истамаса, талаба супер контракт тўлайди, сабаби бир нечта университетларга талаб катта, уларнинг моддий-техник базаси барча талабаларни қабул қилишга кучи етмайди