АҚШ Давлат котиби Марказий Осиё давлатлари ташқи ишлар вазирлари билан учрашди

Энтони Блинкен Қўшма Штатлар умумий мақсадларга эришиш учун минтақа давлатлари билан ҳамкорлик қилиш тарафдори эканини таъкидлади.

Фото: X / SecBlinken

АҚШ Давлат котиби Энтони Блинкен Марказий Осиё давлатлари вакиллари билан учрашиб, С5+1 платформаси доирасидаги тараққиёт ва ҳамкорликни кенгайтиришни муҳокама қилди. Давлат котиби бу ҳақда Х ижтимоий тармоғидаги саҳифасида маълум қилди.

Блинкен Қўшма Штатлар Марказий Осиё мустақиллиги, фаровонлиги ва хавфсизлигини сақлашга қаратилган умумий мақсадларга эришиш учун минтақа давлатлари билан ҳамкорлик қилиш тарафдори эканини таъкидлади.

«С5+1 платформаси Марказий Осиёнинг бешта давлати — Қозоғистон, Қирғизистон, Тожикистон, Туркманистон ва Ўзбекистонни ҳамда Қўшма Штатларни умумий муаммоларни ҳал қилиш ва кўп томонлама ҳамкорликни мустаҳкамлаш учун бирлаштиради», деб ёзди Блинкен.

Тайёрлаган: Сардор Юсупов

#АҚШ #Марказий Осиё #Энтони Блинкен