Роскомнадзор Бош прокуратуранинг суддан ташқари қарори орқали сервисларни яширин равишда секинлаштириш тўғрисида буйруқ тайёрлади. Forbes 12 октябр, шанба куни тегишли ҳужжатга эътибор қаратди.
Идора, агар буйруқ қабул қилинса, Бош прокуратуранинг суддан ташқари қарори орқали ресурслар ишини чеклаши мумкин бўлади. Роскомнадзор буни аввал ҳам амалга оширган — оператор тармоқларида ўрнатилган техник таҳдидларга қарши чоралар (ТТҚЧ) ёрдамида. Эндиликда идора бунинг қонуний асосини олади.
Forbes суҳбатлашган экспертларнинг фикрича, Роскомнадзор ўзи хоҳлаган ҳамма нарсани самарали тарзда блоклаши ва секинлашувлар ҳақида хабар беришни тўхтатиши мумкин. 2019 йилда суверен интернет тўғрисида деб аталувчи қонун қабул қилингандан кейин барча алоқа операторларида ТТҚЧ ўрнатилди.
Россияда операторлардан YouTube'ни «тезлаштиришни» тўхтатиш талаб қилинди
Интернетнинг Россия сегментидаги алоқа операторлари YouTube видео-платформаси секинлашувини бартараф этадиган ечимларни амалга оширишни тўхтатишлари керак эди. Тегишли мазмундаги ахборот бюллетени Алоқа, ахборот технологиялари ва оммавий коммуникацияларни назорат қилиш федерал хизматининг (Роскомнадзор) асосий радиочастота маркази томонидан юборилган. Ушбу ҳужжат нусхаси SOTAvision (SOTA) нашрининг Telegram-каналида 28 август куни жойлаштирилди.
Операторлар «интернет-трафикни бузиш, парчалаш ва алмаштириш технологияларидан» воз кечишга чақирилган.
Марказ 2 сентябргача хатда кўрсатилган электрон манзилга «кўрилган чора-тадбирлар тўғрисида маълумот» юборилишини буюрганди.
