Арктиканинг Франц-Иосиф Ери архипелаги яқинидаги Месяцев ороли энди йўқ, деб хабар берди Россия география жамияти.
2015 йилда унинг майдони 53 гектарни ташкил этган бўлса, 2024 йил августида 3 гектарга камайган, ҳозир эса бутунлай эриб кетди.
Месяцев ороли Ева-Лив ороли музлигидаги муз эриши натижасида 1995 йилгача пайдо бўлган эди. Унинг йўқолиши энди навигация хариталарини тузатишни талаб қилади. Месяцев оролини кузатаётган илмий гуруҳ бу ҳодиса иқлимнинг исиши туфайли содир бўлганини таъкидламоқда.
Келажакда Месяцев оролининг йўқолганини якуний тасдиқлаш ва денгиз тубининг топографиясида мумкин бўлган ўзгаришларни аниқлаш учун қўшимча тадқиқотлар ўтказилиши талаб этилади.
