Қўшимча функционаллар
-
Тунги кўриниш
Тошкент аэропорти ҳудудидан фуқарога дўкон очишда ёрдам ваъда қилган шахс ушланди
Тошкент шаҳрида озиқ-овқат дўкони, Фарғона вилоятида эса “ақлли бекат” очиш учун ёрдам беришни ваъда қилган шахслар қўлга олинди.
Фото: Иқтисодий жиноятларга қарши курашиш департамент
Бош прокуратура ҳузуридаги Иқтисодий жиноятларга қарши курашиш департаменти хабар беришича, департаментнинг Сергели тумани бўлими ҳамда ИИБ ходимлари ҳамкорлигида тезкор тадбир ўтказилган.
Унда, фуқаро А.А. фуқаро И.К.нинг ишончига кириб, унга гўёки юқори лавозимда ишловчи танишлари орқали Тошкент халқаро аэропорти ҳудудидан озиқ-овқат дўкони очиши учун жой олиб бериши эвазига 5000 АҚШ долларини фирибгарлик йўли билан олган вақтида ашёвий далиллар билан ушланган.
Шу каби, департаментнинг Фурқат тумани бўлими томонидан тезкор тадбир ўтказилган.
Унда, Бешариқ тумани Йўллардан фойдаланиш давлат муассасасида бўлим бошлиғи А.К. фуқаро Х.Ю.нинг ишончига кириб, унга муассаса ихтиёридаги “Янги маҳалла” МФЙ ҳудудидаги автобекат ўрнида “ақлли бекат” қуриши учун тегишли ҳужжатларни расмийлаштириб бериши эвазига 1500 АҚШ долларини олган вақтида ашёвий далиллар билан ушланган.
Мазкур ҳолатлар юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда.
Мавзуга оид
08:09 / 22.03.2025
АҚШда аэропортда ўз итини ўлдирган аёл қўлга олинди
11:29 / 21.03.2025
Ҳитроу аэропорти катта ёнғин туфайли ёпилди
16:52 / 18.03.2025
Андижон халқаро аэропорти 20 март куни очилади
16:16 / 15.03.2025
Андижон халқаро аэропортида аэродром реконструкциясининг 1-босқичи якунланди
