Қибрайда 1,2 млрд сўмлик газдан ноқонуний фойдаланган иссиқхона аниқланди

Тошкент вилоятининг Қибрай туманида 1,2 млрд сўмлик табиий газдан ноқонуний фойдаланган иссиқхона аниқланди.

Фото: Ҳудудгазтаъминот

“Ҳудудгазтаъминот” АЖ хабар беришича, туманнинг “Обод” МФЙда истиқомат қилувчи фуқаро Т.М. хонадонида иссиқхона ташкил этиб, табиий газ тармоғига ҳисоблагичсиз, яширин йўллар билан резина шланг орқали тўғридан тўғри уланган.

Ҳолат бўйича далолатнома тузилиб, газ сарфи қайта ҳисоб-китоб қилинди ва 1 млрд 259 млн сўмлик зарар ҳисобланди.

Ҳолатга алоқадор барча ҳужжатлар ҳуқуқ-тартибот органларига юборилди.