Тошкент шаҳар Мирзо Улуғбек тумани “Олтинтепа” МФЙ Паркент кўчасида жойлашган 7 қаватли уйнинг ертўла қисми, ёрдамчи хонасида ёнғин содир бўлди. Бу ҳақда 24 январ куни соат 17:44 да пойтахт ФВБга хабар келиб тушган.
Шунга кўра, ёнғин-қутқарув техникалари айтилган манзилга соат 17:54 да етиб бориб, ёнғин соат 18:06 да қуршаб олиниб, соат 18:16 ўчирилган.
Ҳодиса оқибатида ҳалок бўлган ва жабрланганлар йўқ. Ушбу манзилда газ сизиб чиқиш ҳолати содир бўлмаган.
Ҳозирда ёнғин сабаби ва келтирилган моддий зарар аниқланмоқда.
