Ўзбекистонда хорижий капитал иштирокидаги корхоналар сони 1,3 баробарга ошди

"Казинформ" халқаро ахборот агентлиги Ўзбекистон Статистика агентлиги маълумотига таяниб маълум қилишича, мамлакатда чет эл инвестициялари тўлиқ ва қисман иштирок этган корхона ҳамда ташкилотлар сони бўйича Хитой етакчи ўринни эгалламоқда – 3357 та. Бу мамлакатда фаолият олиб бораётган чет эл инвестицияси иштирокидаги жами корхона ва ташкилотларнинг 21,8 фоизини ташкил этади.

"Ўзбекистон иқтисодиётига инвестиция киритаётган чет эл давлатлари орасида Россия (2 минг 937), Туркия (1 минг 826), Қозоғистон (1 минг 41) ва Жанубий Корея (644) корхоналари ҳам ўрин олган", – дейилади мақолада.

Қозоғистон 2024 йилнинг ўн бир ойи якунларига кўра, Ўзбекистоннинг етакчи ташқи савдо ҳамкорлари учлигига кирди. Тошкент ва Остона ўртасидаги товар айирбошлаш ҳажми 3,8 миллиард АҚШ долларидан ошган.