Қўшимча функционаллар
-
Тунги кўриниш
Жиззахда автобус ва юк машинаси тўқнашди
Ҳодиса оқибатида уч киши енгил жароҳатланган.
Фото: Жиззах вилояти ИИБ
Жиззах вилояти Шароф Рашидов туманида йўловчи ташувчи автобус ва йўлларни тозаловчи махсус транспорт воситаси иштирокида йўл-транспорт ҳодисаси содир бўлди, дея хабар бермоқда вилоят ИИБ.
Қайд этилишича, ҳолат 30 январ куни соат 13:30 атрофида вилоят ҳудудидан ўтувчи М-39 Тошкент-Термиз автомобил йўлининг 1000 километрида содир бўлган.
Самарқанддан Тошкент томон ҳаракатланаётган йўловчи ташувчи автобус ўзидан олдинда кетаётган, йўлларни тозаловчи махсус транспорт воситасининг орқасидан бориб урган.
Ҳодиса оқибатида ҳайдовчиларга ҳам, автобус йўловчиларига ҳам жиддий жароҳат етмади. Фақат уч нафар фуқарога биринчи тез тиббий ёрдам кўрсатилди.
«Кўрганимдаёқ ўнгга бурилдим. Бўлган иш шу. Тезлигим 70–80 эди чамаси», – дейди автобус ҳайдовчиси.
Ҳозирда ҳолат юзасидан туман ИИБ томонидан дастлабки суриштирув ишлари олиб борилмоқда.
Мавзуга оид
20:30 / 04.02.2026
Тошкент – Санкт-Петербург – Тошкент йўналишида автобус қатнови йўлга қўйилади
10:05 / 03.02.2026
Жиззах вилояти ҳокимлиги тузилмасига икки янги ҳоким ўринбосари лавозими киритилди
11:52 / 31.01.2026
Зоминда “Суффа” платосида Tracker ва Cobalt хандаққа тушиб кетди
11:31 / 31.01.2026