Германия Бундестагига сайловда 29 партия иштирок этиши мумкин бўлади

Рўйхатга олинган 41 партиядан 29 таси 23 феврал куни бўлиб ўтадиган Бундестаг сайловларида қатнаша олади. Бу ҳақда 31 январ, жума куни Федерал сайлов комиссияси раҳбари Рут Бранд идораси хабар берди.

Социал-демократик партия (ГСДП), "Алянс 90"/"яшиллар", Эркин демократик партия (ЭрДП), ўнг популистик "Германия учун муқобил" (ГуМ), Сўл партия, "Эркин сайловчилар" (Freie Wähler), Volt партияси, Германия Марксист-ленин партияси, "Германия учун иттифоқ" (Bündnis Deutschland) ва "Сара Вагенкнехт иттифоқи" барча 16 федерал ердаги рўйхатларда тақдим этилган, дея хабар беради dpa агентлиги.

Христиан-демократик иттифоқ (ХДИ) Бавариядан ташқари барча федерал ерларда, Христиан-социал иттифоқ (ХСИ) эса фақат Баварияда қатнашади.

Сайловда саккиз партия фақат битта ҳудудда қатнашади

Бошқа партиялар барча федерал ерларда сайлов бюллетенларига киритилмайди.

Сайловда фақат битта федерал ҳудудда саккиз партия қатнашади.

Амалдаги қонунчиликка мувофиқ, Бундестагда ёки маҳаллий парламентда камида беш нафар депутатдан иборат бўлмаган партия бирлашмалари ўзларининг аниқ сайлов таклифларини қўллаб-қувватлаш учун имзо тўплашлари шарт. Бироқ, уларнинг ҳаммаси ҳам буни уддалай олмади.