Дубай валиаҳд шаҳзодаси дунёдаги энг баланд бинодан парашютда сакради

Дубай валиаҳд шаҳзодаси Шайх Ҳамдан бин Муҳаммад бин Рошид Ол Мактум дунёдаги энг баланд осмонўпар бино — Бурж Халифадан парашютда сакради. У осмонўпар бинонинг 139-қаватидан сакраётгани акс этган видеони ўзининг ижтимоий тармоқлардаги саҳифаларига жойлади.

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от Fazza (@faz3)

Валиаҳд шаҳзода буни дунёнинг 15 мамлакатидан келган 31 нафар экстремист билан бирга амалга оширган. Gulf News маълумотларига кўра, спортчилар икки кун давомида махсус жиҳозланган 12 метрлик платформадан барча хавфсизлик қоидаларига риоя қилган ҳолда жами 437 марта сакраган.

Шаҳзоданинг Instagram’га жойлаган видеоси аллақачон олти миллиондан ортиқ кўрилди. Видеода минорага ўрнатилган платформани кўриш мумкин — унда “139-чиқиш” деб ёзилган. Сакраш учун махсус платформа бинонинг 139-қаватидан олти метр юқорироққа ўрнатилган.

Таъкидланишича, Бурж Халифадан парашютда сакраш бўйича бундай фестивал илк бор 2014 йилда ўтказилган.