Самарқанд—Тошкент йўналишида қўшимча «Афросиёб» поезди қатнови йўлга қўйилади

Самарқанд—Тошкент—Самарқанд йўналишида «Афросиёб» поездининг қўшимча қатнови йўлга қўйилади. Бу ҳақда Транспорт вазирлиги хабар берди.

Қайд этилишича, «Афросиёб» электропоезди қатнови Наврўз ва Рамазон ҳайити байрамлари муносабати билан йўлга қўйилмоқда.

Қўшимча қатновлар 20, 21, 22, 23, 24, 25, 29, 30, 31 март ва 1 апрел кунлари амалга оширилади.

Қатнов жадвали қуйидагича:

775-сонли Самарқанд—Тошкент йўналиши

• Самарқанд 10:55 — Тошкент 13:15.

776-сонли Тошкент—Самарқанд йўналиши

• Тошкент 13:56 — Самарқанд 16:14.

Эслатиб ўтамиз, декабр ойида «Ўзбекистон темирйўллари» АЖ томонидан республика олий таълим муассасаларида таҳсил олаётган талабаларга қишки таътил мобайнида маҳаллий йўналишдаги қатновлар учун чегирмалар эълон қилинганди. Аммо чипталар сотиладиган электрон платформада Тошкент — Урганч, Тошкент — Бухоро, Тошкент — Нукус йўналишларида 23–31 декабр саналаридаги барча чипталар аллақачон қолмагани маълум бўлган эди.