Тошкентнинг тўрт туманида газ таъминоти вақтинча тўхтатилади

“Ҳудудгаз пойтахт” маълум қилишича, Яшнобод тумани, Фарғона йўли кўчасидан ўтувчи ўрта босимли газ қувуридаги газ сизиб чиқиш ҳолатини бартараф этиш мақсадида Яшнобод ва Миробод туманларининг айрим ҳудудларида 5 март 12:00 дан 6 март 08:00 гача табиий газ таъминоти вақтинча тўхтатилади.

Яшнобод тумани

Аҳоли истеъмолчилари: “Обишер” МФЙдаги 16 та кўп қаватли уй ва 370 та ерли хонадон, “Ассалом соҳил”даги 20 та кўп қаватли уй. “М. Ашрафий” МФЙдаги 120 та ерли хонадон. Улгуржи истеъмолчилар сони: 35 та.

Миробод тумани

Аҳоли истеъмолчилари: “Қорасув” МФЙдаги 38 та кўп қаватли уй, “Тонг юлдузи” МФЙдаги 14 та кўп қаватли уй ва 125 та ерли хонадон. Улгуржи истеъмолчилар сони: 25 та. Шунингдек, Миробод туманидаги “Олтинкўл”, “Фурқат” ва “Янги замон” МФЙларида босим пасайиши эҳтимоли мавжуд.

Бундан ташқари, таъмирлаш ишлари туфайли Олмазор ва Шайхонтоҳур туманларининг айрим ҳудудларига 5 март куни соат 10:30 дан 15:00 гача табиий газ етказиб бериш вақтинча тўхтатилади.

Аҳоли истеъмолчилари сони: “Ҳастимом” МФЙдаги 135 та ерли хонадон. Улгуржи истеъмолчилар сони: 1 та.

Шайхонтоҳур тумани

Аҳоли истеъмолчилари сони: “Гулбозор” МФЙдаги 80 та ерли хонадон ва 54 та кўп қаватли уй. Улгуржи истеъмолчилар сони: 1 та

Таъмирлаш ишлари тугатилгандан сўнг, табиий газ таъминоти қайта тикланади.