Wyndham Garden Charvak — Марказий Осиёдаги халқаро даражадаги илк курорт. Лойиҳани “Dune Group Development” девелоперлик компанияси амалга оширяпти, тоғ мажмуаси “Wyndham Garden” бренди остида фаолият юритади. Ишга тушириш 2028 йилга режалаштирилган.

Йил давомида ишловчи инфратузилма

Wyndham Garden Charvak йил давомида дам олиш учун барча шароитлар мавжуд курорт-шаҳар сифатида режалаштирилган. Халқаро даражадаги инфратузилма 100 хонали 8 қаватли беш юлдузли меҳмонхона, виллалар, бассейнлар, спорт ва болалар майдончалари, турли концепциялардаги ресторанлар, аттракционлар зонаси, спа-марказ, конфренц-залдан иборат бўлади.

“Wyndham Garden Charvak — Ўзбекистондаги бундай кўлам ва форматга эга биринчи лойиҳа. Ресорт концепцияси яшашнинг ўзинигина эмас, балки бир жойнинг ўзида дам олиш, кўнгил очиш, овқатланиш ва халқаро даражадаги сервисни ҳам кўзда тутади. Биз минтақадаги етакчи курортлар билан рақобатлашишга қодир ва бутун Марказий Осиёдан туристларни жалб эта оладиган мажмуа барпо этамиз.

Қурилиш жадал бормоқда. Ишларнинг тақрибан 30 фоизи якунланди, виллалар фасадларини пардозлаш ишлар кечмоқда. Ҳам тўғри маънода, ҳам мажозан пойдевори мустаҳкам ушбу лойиҳага инвесторлар кириб келмоқда”,- дея қайд этди, “Wyndham Garden Charvak” ривожлантириш бўйича директори Жўрабек Мирзааҳмедов.

Мажмуанинг 5,5 гектарини Ўзбекистондаги энг йирик аквапарк эгаллайди, у “Wyndham Garden Charvak” ичкарисидаги алоҳида олам бўлади. Бу ерда турли даражалардаги 30 та тепалик юзага келади: хавфсиз болалар трассаларидан то катталар учун экстремал миноралар, шунингдек тўлқинли бассейн, кенг-мўл лаунж-ҳудудлар ва фудкорт ташкил этилади. Аквапарк Марказий Осиё ва Европадаги энг кенг кўламли сув паркларидан бирига айланишни ваъда қилмоқда.

Тоғ релефида қад ростлаган виллалар

“Wyndham Garden Charvak” архитектураси маҳаллий ер релефидан келиб чиқади. Лойиҳачилар стандарт бир чизиқли қурилишлардан воз кечиб, тоғ манзарасига уйғунлашиб кетган кўп даражали макон бунёд этди. Виллаларнинг бир қисми грек Санториясидаги машҳур қоя-уйлар услубида бажарилган: оппоқ фасад, кўкаламзорлаштирилган томлар, биноларнинг аксарияти гўёки тоғ ёнбағрига сингиб кетган – фақат кириш қисми ер юзасига чиқиб туради.