Кеча, 4 май куни соат 23:15 да Самарқанд вилояти ФВБга «112» тизими орқали Самарқанд шаҳар «Ипак йўли» МФЙ ҳудудида 10 метрлик жарлик ичидаги чангалзорга 2 нафар фуқаро тушиб кетганлиги ва уларга амалий ёрдам зарурлиги бўйича хабар келиб тушган.
Мазкур хабарга асосан, айтилган манзилга зудлик билан ФВБ қутқарувчилари етиб келишган. Қутқарувчиларнинг тезкор ҳаракатлари натижасида 2 нафар фуқаро соғ-саломат қутқариб олинган.
Маълум бўлишича, фуқаролар ёши улуғ инсонлар бўлиб, дастлаб 1 нафари жарликка тушиб кетган, сўнг шеригини қутқариш мақсадида иккинчи фуқаро ҳам тушиб қайтиб чиқмаган.
