Нигерияда сув тошқинлари оқибатида 500 дан ортиқ киши бедарак йўқолди

29 май куни Нигер штатининг Моква шаҳрида кучли ёмғир ёғди.

Фото: Anadolu Agency

Нигериянинг Нигер штатида кучли ёмғир оқибатида юзага келган сув тошқинлари оқибатида 500 дан ортиқ киши бедарак йўқолган.

Моква шаҳри маъмурияти раҳбари ўринбосари Муса Кимбоку журналистларга маълум қилишича, 29 май куни минтақада кучли ёмғир ёғган.

Йўқолганларни қутқаришга умид йўқлиги сабабли расмийлар қидирув-қутқарув ишларини тўхтатди.

Айни пайтда, Жаҳон соғлиқни сақлаш ташкилоти ўзининг X аккаунтида эҳтимолий эпидемиялар ва бошқа таҳдидлар билан боғлиқ соғлиқ учун хавфларни баҳолаётганини билдирди.

Маълум қилинишича, вилоятда бирламчи тиббий ёрдам кўрсатиш учун тез тиббий буюмлар ва жиҳозлар тайёрланмоқда.

Аввалроқ Моквадаги сув тошқини қурбонлари сони 200 кишидан ошгани хабар қилинганди.