Қибрайда йўловчи ташувчи автобус ЙТҲга учради

Кеча, 23 июн куни соат тахминан 17:00 ларда Тошкент вилояти Қибрай тумани ҳудудидан ўтган D-006 “Тошкент–Чирчиқ–Чимён” автомобил йўлининг 6-километрида йўл-транспорт ҳодисаси юз берди.

Фото: Қибрай тумани ИИБ

Бир йўналишда ҳаракатланиб келаётган, 1983 йилда туғилган ҳайдовчи бошқарувидаги MAN русумли автобус ҳамда 1997 йилда туғилган ҳайдовчи бошқарувидаги Cobalt русумли енгил автомобилнинг тўқнашуви оқибатида йўл-транспорт ҳодисаси содир бўлган.

Йўл-транспорт ҳодисаси натижасида ушбу транспорт воситаларидан ташқари яна бир неча автоуловларга ҳам шикаст етган.

Ҳодиса оқибатида тан жароҳати олган фуқаролар қайд этилмаган.

Ҳолат юзасидан Қибрай тумани ИИБ Йўл ҳаракати хавфсизлиги бўлими ходимлари томонидан суриштирув ишлари олиб борилмоқда