Google Chrome браузерини 34,5 млрд долларга сотиб оладиган даъвогар номи маълум қилинди

2024 йил кузида Google АҚШда монополист деб топилганди. Шу сабабли компанияни браузерини сотишга мажбур қилишлари мумкин.

Фото: Pexels

Сунъий интеллект билан шуғулланувчи Perplexity компанияси Google Chrome браузерини 34,5 млрд долларга сотиб олишга тайёрлигини маълум қилди. Бу ҳақда The Wall Street Journal (WSJ) хабар берди.

Нашрнинг ёзишича, Perplexity компаниясининг ўз нархи 18 млрд долларга баҳоланади. Компания уни бир неча инвестор қўллаб-қувватлашга рози бўлганини билдирган.

2024 йил кузида АҚШ адлия вазирлиги Google компаниясини монополист деб топган ва у бўлиниши мумкинлигини билдирганди.

Кейинроқ Bloomberg адлия вазирлиги монополияга қарши иш доирасида Chrome браузерини сотишни талаб қилиши мумкинлигини ёзди.

Шунингдек, Yahoo компанияси ҳам браузерни сотиб олиш хоҳишини билдирган. Компания вакиллари бунинг учун бир неча ўн миллиард доллар беришга тайёр эканликларини маълум қилишган. OpenAl компанияси ҳам Chrome браузерини сотиб олишга қизиқаётганлиги айтилган.

Дунё бўйича Chrome браузеридан 3,5 миллиардга яқин киши фойдаланади. У жаҳон браузерлар бозорининг 60 фоизини ташкил қилади.

#Google #Chrome

Kun.uz янгиликларини Google News'да кузатинг

+ Обуна бўлиш