«Украина ва Аляска энди ҳеч қачон Россияники бўлмайди» – саммит арафасида Анкориж кўчаларидан фоторепортаж

Аляскадаги Анкориж шаҳрида 15 август куни АҚШ ва Россия президентлари Доналд Трамп ва Владимир Путиннинг учрашувига тайёргарлик кўрилмоқда. Саммитнинг асосий мавзуси – Украина, аммо президент Володимир Зеленский музокараларда иштирок этмайди.

Трамп ва Путиннинг Анкориждаги учрашуви арафасида Украинани қўллаб-қувватлаш бўйича акциялар ташкиллаштирилди. Stand UP Alaska жамоат ташкилоти раҳбари Эрин Жексон-Ҳилл саммитдан уч кун олдин «Укринформ» агентлиги билан суҳбатда Путин «ҳарбий жиноятчи ва унга Америка заминида жой йўқлиги»ни айтганди. «Биз авторитар диктаторлар штатимизга таклиф этилишини қўллаб-қувватламаймиз», – дея таъкидлаганди у.

Stand UP Alaska ҳисоб-китобларига кўра, 14 август куни бўлиб ўтган норозилик намойишига мингга яқин одам келган. Stand UP Alaska музокаралар куни яна бир акция ўтказишни – Анкорижда Украинанинг улкан байроғини ўрнатишни режалаштирмоқда. Meduza Анкорижда Украинани қўллаб-қувватлаш учун ўтказилган акциядан суратлар эълон қилди.