АҚШнинг НАТОдаги вакили Мэттю Уитакер Fox News телеканалига берган интервюсида Украина учун хавфсизлик кафолатларини Европа таъминлаши кераклигини айтди.
«Украина мустаҳкам тинчликка эришиш учун унга хавфсизлик кафолати кераклигини тушуниб турибди. Ва буни европаликлар таъминлаши ҳамда улар томонидан тўланиши керак»,— деди Уитакер.
Бугун Вашингтонда АҚШ президенти Доналд Трамп ва Украина президенти Володимир Зеленский учрашувида хавфсизлик кафолатлари муҳим мавзулардан бири бўлади.
Уитакернинг сўзларига кўра, хавфсизлик кафолатлари Украинага АҚШ қўшинлари жўнатилишини англатмайди.
