Эрон Исроилнинг янги ҳужумларига тайёрлигини айтди

13 июн куни Исроил Эрон ядровий дастурини йўқ қилиш учун бу мамлакатга ҳужум қилган, бунга жавобан Эрон Исроилга зарбалар берганди.

Фото: Anadolu

Эрон Исроил ҳужум қилган тақдирда унга жавоб қайтаришга тайёр, деди Ислом инқилоби қўриқчилари корпуси қўмондони Муҳаммад Пакпур. Бу ҳақда Меҳр агентлиги хабар бермоқда.

"Генерал Пакпур Эрон ҳарбийлари янги ҳужумлар бўлган тақдирда Исроилга янада вайронкор зарба беришга тўлиқ тайёр ҳолатда эканлигини айтди", - дейилади агентлик хабарида.

22 июн куни эса АҚШ Эроннинг учта ядровий объектига ракета зарбалари берди. Кейинроқ Эрон ва Исроил сулҳ тузди.

#Эрон #Исроил

2025 йил 13 июнга ўтар кечаси Исроил Эроннинг ҳарбий ва ядровий объектларига зарбалар беришни бошлади. Бунга жавобан Теҳрон Исроил устидан бомбалар ёғдирди. 12 кун давом этган уруш, АҚШнинг Эрон ядро объектларига ҳужум қилиши билан якунланди.