Чикаго федерал қўшинлар ва агентлар билан ҳамкорлик қилмайди

Чикаго полицияси (Иллинойс штати), агар АҚШ президенти Доналд Трамп таҳдид қилганидек, яқин кунларда уларни шаҳарга юборса, Миллий гвардия қўшинлари ёки федерал агентлари билан ҳамкорлик қилмайди, деди шаҳар мэри Брэндон Жонсон. Бошқа шаҳар расмийлари иштирокида у Чикагони АҚШ ҳуқуқ-тартибот идоралари ўтказадиган ҳар қандай операцияга тайёрлашга қаратилган буйруқни имзолади.

«Гап тайёр туриш ҳақида кетмоқда», деди Жонсон буйруқни имзолар экан. Reuters иқтибос келтирганидек, мэрнинг таъкидлашича, ҳужжат шаҳар ходимларига ва «барча чикаголикларга бу зулмга қандай қарши тура олишимиз ҳақида» «ҳақиқий, аниқ йўл-йўриқ» бериш учун мўлжалланган.

Буйруқда айтилишича, Чикаго полицияси ходимлари штат ва шаҳар қонунларини бажаришда давом этади, аммо федерал идоралар, жумладан, Миллий гвардия билан бирга патрул, ҳибсга олиш ёки бошқа ҳуқуқни муҳофаза қилиш фаолияти билан шуғулланмайди. Шунингдек, шаҳар полициясидан Чикаго полицияси формасини кийиш ва аҳоли уларни федерал агентлардан осонгина ажрата олиши учун ниқоб кийишдан сақланишни талаб қилади.