АҚШ молия вазири Скотт Бессентнинг айтишича, Россия ва АҚШ президентлари Владимир Путин ва Доналд Трампнинг Анкориждаги саммити ортидан Украинага ҳужум қилишда давом этаётган Россияга қарши кейинги санкциялар учун «барча вариантлар муҳокамада». Бессент Fox News телеканалига интервю берди.
«Президент Путин, Анкориждаги тарихий учрашувдан сўнг, Европа етакчилари ва президент (Володимир) Зеленский душанба куни (18 август) Оқ уйда учрашган телефон қўнғироғидан сўнг, ўзи айтганининг тескарисини қилди – аслида у бомбардимонларни кучайтирди», — деди Бессент.
«Ўйлайманки, президент Трамп ўзининг барча вариантларини кўриб чиқмоқда ва менимча, биз бу ҳафта уларни диққат билан кўриб чиқамиз», — дея қўшимча қилди у.
