Ўзбекистон Мисрга электродлар экспорт қилишни бошлайди

Металлсозлик саноати вакиллари ўртасида биринчи Ўзбекистон ва Миср бизнес-форум ва В2В шаклидаги учрашувлар бўлиб ўтди.

Фото: "Дунё" АА

Қоҳирадаги Metal & Steel Middle East кўргазмаси доирасида бўлиб ўтган ушбу тадбирлар Миср томони билан қурилиш маҳсулотлари, жумладан металл маҳсулотларини тайёрлаш бўйича ҳамкорлик ўрнатиш ва ушбу мамлакатдан хусусий инвестицияларни жалб қилиш мақсадида ташкил этилди.

Бизнес-форумда Ўзбекистондан масъулияти чекланган жамиятлар, Миср томонидан турли компаниялар вакиллари иштирок этди. Тадбир доирасида В2В форматида музокаралар уюштирилди.

Тадбирлар якунида икки давлат тадбиркорлари ўртасида металлсозлик соҳасида ҳамкорлик қилиш ва Мисрга сифатли электродлар экспорт қилиш бўйича келишувга эришилди.