6 нафар фуқаро номига автомобил харид қилиб ўзлаштирган шахс аниқланди

Фарғона вилоятида 6 нафар фуқаро номига автомобиль харид қилиб ўзлаштирган шахс фош этилди.

Бош прокуратура ҳузуридаги департаментнинг Қўқон шаҳри бўлими томонидан терговга қадар текширув ўтказилган.

Унда, фуқаро А.С. 6 нафар фуқарони алдаб, уларнинг номига тижорат банки филиалидан ажратилган автокредит тўловларини ўзи тўлаб юришига ишонтириб, жами 1,2 млрд сўм кредит маблағлари ҳисобига сотиб олинган 8 та автотранспорт воситасини бошқа шахсларга сотиб юбориб, ўзлаштирганлиги аниқланган.

Мазкур ҳолат юзасидан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.

Тайёрлаган: Отабек Матназаров

#фирибгарлик #Қўқон шаҳри