Сергелида Nexia автобус бекатига бориб урилди

Жорий йилнинг 25 сентябр куни соат 15:00 ларда Сергели тумани Янги Сергели кўчасида йўл-транспорт ҳодисаси юз берди.

Ҳайдовчи, 1999 йилда туғилган Ю.М. бошқарувида бўлган Nexia-1 русумли автомашинасида ҳаракатланиб келаётиб рул бошқарувини йўқотиб, йўл четидаги автобус бекатига урилиши оқибатида йўл-транспорт ҳодисаси содир бўлган.

ЙТҲ натижасида тан жароҳати олганлар йўқ.

Мазкур ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.